Gulshan ki fizaon me ajab rang e sahar hai
ek jaan e tamana ke jo ane ki khabar hai
wo phool khila hai chaman e murtazawi me
kehte hain jo ZEHRA ki duaoon ka asar hai
Abbas hai naam iska baunwaan e shuja'at
masjood e wafa shehr e mohabbat ka jo dar hai
konain ki ra'naiyaan leti hai balayeen
ye nazish e yusaf bani hashim ka qamar hai
Islam ka gham khwar alamdar e hussaini
har gaam pe shabir ka manzoor e nazar hai
jo naam se ghazi k uthae koi parcham
is mard e mujahid k muqadar me zafar hai
milti hai nishat e qalabi ghazi k dar se
kyun na ho ALI uqda kusha ka ye pisar hai
No comments:
Post a Comment